Слава, богатство и амбиција

Сакам да бидете богати на секој можен начин – во материјална, психолошка и духовна смисла. Сакам да го живеете најбогатиот живот што некогаш се живеел на планетава.

Книгата Слава, богатство и амбиција ги испитува симптомите и психологијата што се крие зад преокупираноста со парите и славата. Од каде потекнува алчноста? Дали желбата за натпреварување и амбициите можат да доведат до иновација и позитивна промена? Зошто се чини дека славните и богатите имаат големо влијание во светот? Дали навистина со пари не може да се купи среќа?... На овие прашања Ошо им пристапува на начин што тера на размислување, што е свеж, изненадувачки и особено важен во ова наше економски проблематично и преломно време.

Ошо ги предизвикува читателите да ги преиспитаат и да се ослободат од наметнатите системи на верувања и предрасуди, кои им ја ограничуваат способноста да му се радуваат на животот во целото негово богатство.