Скелиг

Скелиг е една од најпопуларните книги за млади објавени во последната деценија. Замислен како модерна бајка во неа се мешаат фантастичното и реалното соништата и желбите стравот и надежта – и создаваат прекрасна метафора за волшебниот свет на детството која се чита во еден здив.

Скелиг ја раскажува приказната на Мајкл, кој со своето семејство се сели во нова куќа на другиот крај од градот.

Тој е далеку од своите другари и од училиштето, а неговите родители се вознемирени поради неговата болна сестричка. Обидувајќи се да побегне од својата осамености од своите стравови, еден ден Мајкл ќе открие суштество какво што не видел никој друг на светот и одеднаш, целиот негов живот ќе почне да изгледа сосем поинаку.

„Една од најтрогателните книги кои ќе ги прочитате, преполна со топлина, човечност, и секако – со многу фантазија.“ The Independent