Рибата е црвена

Необични и толку едноставно напишани раскази за многу мали-големи работи што ни го разубавуваат или пак ни го загорчуваат животот. Маркез пишува за се по малку – за политиката и историјата, за градовите и омилените писатели, за неуспешните атентати врз Кастро, за Нобеловата награда, за одвикнувањето од пушење и за стравот од летањето... Оригинали и луцидни, овие приказни се истовремено и забавни и поучни и претставуваат своевидна хроника за светот. Кратките текстови, понекогаш и белешки, се претвораат во вистински скапоцени камчиња. Тие сведочат за тоа дека нема мали и големи теми, туку има само добри и лоши хроничари. Придавајќи им значење на малите нешта кои значат живот, Маркез открива дека нема состојба во животот која, со малку фантазија и добра иронија, не може да се преобрази во поткреплива утеха за секој човек.