Педијатриски прирачник за првите шест години

Раното детство е најчувствителниот период од животот. Периодот од раѓањето до петтата година е доба на бурни промени во сите сегменти на развојот. Сите етапи во овој период си влијаат една на друга, а заедно со социјалната и физичката околина, влијаат врз детското здравје.

Целта на овој прирачник е да ги поттикне родителите на поголемо учество во следењето на раниот развој на нивното дете и да ги запознае со очекуваните фази. Освен тоа, дава објаснувања за некои од најчестите состојби со кои се среќаваат децата, како и препораки за нивен третман.

Преку оваа книга, со учество на четворица специјалисти во областа на педијатријата и детскиот развој, секој родител лесно ќе се снајде во решавање на секојдневните здравствени проблеми кај своето дете што се јавуваат во неговата рана возраст.