На крилјата од песните

Александар Кујунџиски, авторот на над сто книги за деца и млади (покрај оние дваесетина за возрасните читатели) не се откажува од поезијата. Во оваа книга за деца од 9-12 години се вклопени пет циклуси со вкупно 150 песни, за чија содржина и носивост поопсежно се произнесува рецензентот, писателот за деца и за возрасни, Велко Неделковски.

Едногласна е констатацијата дека со песните од оваа збирка секој читател ќе има можност „да се воскрене на крилјата на мечтите“. А воедно да се препушти на нејзиното читање и преку чудесната моќ на пишаниот збор да стане восприемач и осознавач на убавините и на новостекнатите знаења. И на ведрината која ја влеваат голем дел од стиховите.