Мисли и зборови

„Мисли и зборови“ е книга поезија во која е присутно уникатно видување за животот; за ситуациите и парадоксите во него. Човековите мисли и зборови се иманенетен начин на постоењето, токму затоа и се земени во насловот. Метафизичката атмосфера во повеќето од стиховите произлегува од засегнатоста на индивидуата да го осмисли битисувањето. Љубовта, радоста, смирението, мудроста, убавината се чести мотиви во песните, токму затоа што преку нив се остваруваат смислата и вредностите. Метафорите, симболите, како начин на изразување, се присутни во повеќето стихови. Суптилноста и лирските проткајувања во говорот го покажуваат философскиот сензибилитет на авторката во промислувањето на моментот.