И строфите растат

Најновата, 110-та по ред објавена книга на Александар Кујунџиски, донесува песни наменети за децата од прво до четврто oдделние во основните училишта. „И строфите растат“ содржи 32 песни, кои буквално имаат „строфи што растат“, исто како што растат и самите читатели на литературата за деца. (Првите четири песни се со по една строфа, а последните две со по 15 строфи). Од сите нив зрачи содржина осветлена со мисли и со пораки што се помнат и траат, а притоа разведруваат, опуштаат, насмејуваат, забавуваат…